O puto* académico da RAE

Recentemente con este artigo xa me fervera o sangue, Espainia, frankeo ordaindua. Ao Pérez Reverte non se lle pode mandar unha carta respetando a toponimia oficial ou o nome do servizo de correos en euskera, e deduzo que se lla mandan dende Galiza terían que adxuntarlle un mapa onde indicasen a situación xeográfica do concello entre os 315 que temos. O esperpento chega cando até se queixa dun concello catalán que lle manda a factura a unha empresa andaluza en catalán, pois como se é china, a empresa catalana ou china cando ofrecen algo en Andalucía fanno en castelán. Sempre ao gosto do cliente e non ao revés.

Xa pensaba así antes ou é o tributo que lle ten que facer a RAE?

Noutro artigo, Un pirata de verdad, déixanos un piropo a tódolos galegos: "Como buen gallego, Soto se dejó ahorcar sin aspavientos, mostrándose, cuentan, arrepentido, resignado y también algo chulito. Que me quiten lo bailado, debió de decir. O algo así." Lembroume ao Antonio Burgos

Deste último artigo, se non erro entereime por Miguel-Anxo Murado no "Diario Cultural" da Radio Galega. Téñenme gostado moito as súas reflexións.

*O de puto non só vai polo estilo de A.P.Reverte