Apoiando a Francisco Rodríguez

Sería bo que na intervención do deputado bloqueiro no congreso español, se fixera eco das declaracións dos traductores e eurodeputados portugueses(até do PP europeo) recoñecendo un mesmo idioma ás dúas berias do Miño nesta reportaxe da RTP. E aínda, no caso de diferencialo, como fai o eurodeputado do PP español, Vidal Quadras(do máis españolista), é imposíbel negar que "se parece mucho al portugués".


Tan imposíbel como negar a orixe común, ese galego medieval ou galego-portugués no que escribiu un tal Alfonso X.
Tamén se podería facer eco das recentes declaracións do líder do PPdG, Núñez Feijóo "persoalmente, decátome de que o galego é unha riqueza que nos axuda a abrir as portas da lusofonía". E se o presidente español quere profundizar no tema, que lle pregunte ao seu amigo Suso de Toro(e un dos mellores escritores galegos) a próxima vez que tomen unhas cervexas xuntos.

Conclusión, dende os dous puntos de vista lingüísticos só depende da súa vontade cumprir a Carta Europea das Linguas Rexionais ou Minoritarias, ratificada polo Goberno español no ano 1992. "As partes comprometem-se a garantir a liberdade de recepção directa das emissões de rádio e televisão dos países vizinhos numa língua falada de maneira idêntica ou parecida a uma língua regional ou minoritária, e a não opor-se à retransmissão de emissões de rádio e de televisão dos países vizinhos em dita língua. Mais além disso, comprometem-se a velar para que não se imponha nenhuma restrição à liberdade de expressão e à livre circulação de informação numa língua falada de maneira idêntica ou parecida a uma língua regional ou minoritária..."

Dificilmente se pode ser europeísta negándolle a intercomunicación a dous pobos veciños, que noutrora compartiron unha historia e hoxe comparten unha Euro-Rexión.

Actualizado

A recepción das radios e televisións portuguesas no Congreso
Pregunta e réplica do deputado do BNG, Francisco Rodríguez e resposta e contrarréplica do presidente español, José Luís R.Zapatero.
Posterior debate Zapatero/Rajoy, alundido o tema.


Os media portugueses fanse eco da nova

"Parippés"

"Gobierno de España", Ceuta e Melilla, "¿ Por qué no te callas ?"...
ide tomar polo...

Mellorábel

Jorquera, Fernández Davila, Tabarés e Paz Abraira, cabezas de lista do BNG
Dende un punto de vista electoralista, de renovación e de futuro, eu preferiría cambiar algunhas caras:
Ana Pontón pola Coruña e Roberto Mera por Pontevedra. Iago Tabarés seguiría por Ourense. E pola provincia de Lugo como non teño moita idea, tamén poderían acertar coa responsable local do BNG de Lugo, Paz Abraira.


En todo caso hai outras mulleres na Executiva Nacional ou fora como Ana Miranda.

O Bloque precisa recuperar o tan claro maioritario voto da xente nova, e dende o meu punto de vista, as persoas que nomeei son das que máis se poden identificar.

24-X-07.- Outra opción moi boa, se Beiras se prestase, sería que fora el pola Coruña e Ana Pontón(nada en Sarria) por Lugo, Tabarés por Ourense e Mera por Pontevedra. Cantas leccións ía dar O Beiras nos madriles.
No Congreso, Uxue Barkos, gañou moitos dos votos que Nafarroa Bai ten agora en Nafarroa(2ª forza política) e ela mesma case consegue ser alcaldesa de Iruña. Pois iso, que dos catro propostos pola Executiva Nacional, creo que só Iago Tabarés "vende".

3º Mundista

Xosé Lois n'A Nosa Terra

"o caso máis significativo de Galiza constitúeo Avión (Ourense), unha localidade na que o censo electoral apenas supera os 2.200 habitantes, que se duplican se se suma aos emigrantes, que representan o 49,4 por cento dos votantes da localidade.
Outros casos nos que a incidencia da diáspora é determinante son Bande, co 47,3 por cento do censo total de 3.972 persoas; Arnoia, co 46 por cento dunha poboación de 1.913; Beariz, co 44,2 por cento dos 2001 electores cos que conta o municipio; ou Quintela de Leirado, co 44,3 dun total de 1.250 veciños con dereito a voto. Dos 32, ata 27 corresponden ao PP, tres ao PSdeG, un ao BNG e outro a Vucar, partido que goberna en Carballeda de Avia, con tres de cada dez electores no CERA."
25/03/2007 O voto emigrante determinará a alcaldía en máis de 50 municipios

16/10/2007 O voto emigrante, no centro do debate

Até cando?

Actualizado 21/X/07. Moi gráfico, galegos de pura cepa... Niki Lauda poderá ser galego de Loña do Monte se así o quere
Actualizado 11/II/o8.
25.01.2008 "A este censo apúntase un de oficio, as papeletas recíbenas de oficio, de modo que é posible, e de feito ocorre, que voten persoas mortas. O 85 por cento del non ten máis relación con Galicia que a adhesión sentimental", asegurou.
Os emigrantes non contan
Ademais, criticou que os seus 300.000 integrantes non se contabilicen para o número de deputados asignados a Galicia. Segundo dixo, se se contasen, Galicia "podería ter cinco deputados máis", e asegurou que isto "non interesa porque o BNG podería ter ata o seu propio grupo parlamentario nas Cortes". Quintana pide regular o voto emigrante
26.01.2008 tachou de "hipócrita" a postura de non recoñecer aos emigrantes o dereito a influír nos gobernos e reiterou a súa convicción de que "estas actitudes" están "motivadas por puros intereses electorais". Varela acusa a BNG de hipocresía co voto emigrante
27.01.2008 Caldera propón que os emigrantes teñan circunscripción propia
15.02.2008 “Un ano despois, os dereitos civís dos mariñeiros galegos embarcados seguen sen poder ser exercidos”, galegos de terceira xeración, que poderán votar, pero “sen as garantías mínimas: depuración do censo, voto en urna, coa consecuente formación de mesas electoriais con interventores”.
2.04.2008 E despois da resaca electoral...chega Isabel Pantoja O alcalde de Catoira aproveita un multitudinario xantar con emigrantes en Arxentina para pedirlles que comuniquen calquera cambio no censo.

20.05.08 Documentos oficiais contradin á Xunta sobre a suposta axente electoral
A muller non viaxou a coidar á súa irmá, como aseguraron Emigración e o PSOE

É a Generalitat máis de esquerdas cá Xunta?

Nisto polo menos, si.

"Esta lei contempla que a Administración, en determinados supostos, poida expropiar o usufructo de vivendas baleiras para destinalas ao mercado de aluguer social."
Generalitat, constructores e sindicatos asinan o primeiro gran pacto pola vivenda do Estado
"PP e CiU opóñense a un acordo que permitirá construír 50 mil pisos sociais cada ano e rehabilitará máis de 300 mil. Ademais, os propietarios de pisos desocupados estarán obrigados a alugalos"

Como xa dixera, "En Galiza hai 229.360 vivendas baleiras(das 1.308.363 existentes), en Vigo 17.846 dun total de 122.538(Datos do INE no 2001). Co 14'56% dos pisos baleiros a quen lle pode sorprender o tráfico que temos en Vigo?"

Actualizado 11-II-08. "A consellaría que dirixe Teresa Táboas aprobou dende a posta en marcha do programa da Renda Básica de Emancipación (RBE) o 2 de xaneiro, un total de 731 axudas, o que supón o 39 por cento do total estatal, situándoa á cabeza co maior número de concesións, e que supoñen unha subvención media de 187,35 euros."
"A Consellaría de Vivenda e Solo conta tamén cun Programa de Vivenda en Aluguer dirixido a aquelas persoas que non superen os 15.000 euros anuais independentemente da idade. Esta axuda non é compatíbel coa anterior, e ten como obxectivo que os inquilinos non destinen máis do 30 por cento dos seus ingresos ao pago dun aluguer." Galiza á cabeza nas axudas de alugueiro para emancipación
15-IV-08 Galicia ten 10.000 pisos acabados ou en construción que non se venden