Ao Techno? Tentando porme ao día neste eido musical, atopei este disco dun dos compoñentes do dúo Swayzak, "Carthage milk", un album moi válido para todos aqueles que non saiban quen é Richie Hawtin, Sven Väth ou o mítico Jeff Mills. Algo máis tranquiliño. (Si, xa o sei, a portada é moi chunga)
"Mandé a mi bandera a luchar contra los bloqueiros , no contra los elementos" Paco II de España y I del Vaticano "dende o punto de vista relixioso profesa un catolicismo exacerbado, intransixente e reaccionario, que non se estila nin dentro da propia Igrexa. Que se destine este home ao Vaticano penso que é humillante para os españois. Con Francisco Vázquez queda claro que as relacións que vai ter España co Vaticano son de inferioridade." "O ensino público ten que ser universal. A esencia da democracia é que a liberdade de conciencia ten que estar asegurada e esta só pode vir por unha educación libre e gratuíta ofrecida polo Estado, que eduque en valores humanos, científicos e universais. Non se pode estudar nin relixión nin antirrelixión. Quen queira colexio privado que o pague, pero cos cartos de todos non temos por que pagar as crenzas dos pais. As cuestións de fe teñen que quedar relegadas ao ámbito privado." Gonzalo Puente Ojea, embaixador no Vaticano entre 1985 e 1987 (entrevista n'A Nosa Terra) A Coruña que deixa Vázquez, editorial da Asociación Irimia
"Pongo en manos de María Inmaculada a nuestra España, que tiene a la Inmaculada como patrona y cuyo patronazgo une a todos los pueblos de España en una unidad inquebrantable que ciertamente está amenazada", afirmó. Por ello, pidió a todos, y "con la protección de la Virgen", la defensa de la unidad de España "para asegurar el bien común de nuestra sociedad que formamos todos los que somos españoles". Mons. Cañizares, nuevo Cardenal de la Iglesia Católica
"Gostáronme" ámbalas dúas contrucións, moi ben "pensadas", prantexando solucións e innovando. A 1ª está feita para dous irmáns ou unha parella mal levada, que non se poden cruzar nen nas escaleiras, e na 2ª, o habitante vai baixando de pranta á par do seu crecemento, o da cegoña ten que ser certo!! . Premer para ampliar. (Extraídos dos albums de feísmo de La Coz)
<<Así, as dificultades de supervivencia da cultura galega, "entendida como idiosincrasia", son para Ruibal, reflexo da loita xeral "por conservar a identidade, a colectiva e tamén a individual", fronte "aos múltiples mecanismos que os poderes dispoñen para uniformizarnos". O dramaturgo vai máis alá e afirma que "a vida no planeta está planificada polo capitalismo, como antes o estivo co nazismo" anque, "afortunadamente, por moitos medios que teña o sistema para facelo, sempre hai factores imprevistos que nos poden beneficiar". É a ese sistema ao que lle interesa que teñamos "unha identidade difusa e maleable, tanto persoal como colectiva, pero esta sobre todo", e o que "nos intenta confundir, por exemplo, falando despectivamente dos nacionalismos, dicíndonos mesmo que un nacionalimo humanista como o noso é bárbaro".Contra unha clase política que até o de agora nunca se ‘ mollou’, reivindica pois Ruibal a "valentía" para dotar á lingua e á cultura galega do prestixio que precisan, e manter viva a "resistencia" fronte á alienación. "Se miramos cara a atrás, veremos que o traballo dos rexionalistas, o Seminario de Estudos Galegos ou as Irmandades da Fala", di, veremos que "fixeron un esforzo enorme", pero que, de momento, "hai que continuar".>> Ruibal reivindica valentía para dotar de prestixio a lingua, INGRESARÁ O 24 NA REAL ACADEMIA Imos supor que a muller do Sr Méndez Romeu está capacitada para o cárrego que lle deron, pero dada a súa valía(non lle faltará traballo), o PSdG non pode evitar suspicacias nomeando outr@ president@ do Consello Escolar de Galicia? <<O conselleiro da Presidencia, José Luis Méndez Romeu, advertiu onte ós "centenares" de funcionarios de libre designación nomeados polo PP na súa etapa na Xunta que continúan no seu posto de que poden ser "cesados en calquera momento sen máis explicación que a que prevé a lei".>> A vinganza do PPdG: <<Manuel Ruiz Rivas chamoulle "Cid Campeador" a Méndez Romeu e advertiulle que non se estrañe de que "cando o PP chegue ó poder en catro anos" a súa esposa, Milagros Blanco, "deixe de ser a presidenta do Consello Escolar de Galicia".>> Galicia-Hoxe
"...O vicepresidente referiuse tamén ás declaracións de Corina Porro, nas que se mostraba disposta a liderar un Goberno de «progreso» en Vigo xunto co BNG.Quintana explicou que el sempre recelara do término «Goberno de progreso», xa que ao seu entender «non serve para definir nada», e agora que o di Corina, «ratifícome con máis rotundidade do meu convencemento»" La Coz E metafórico "Quintana sinalou que hoxe en día algúns responsables políticos falan da identidade “como se fose un virus, como se nos fosemos a contaxiar todos de identidade”. O vicepresidente considera que os que falan así semellan non reparar nunha cuestión fundamental, no feito de que Galiza é na actualidade, en termos constitucionais, unha nacionalidade histórica ao mesmo nivel que Cataluña e Euskadi, “ e non temos este recoñecemento polo noso peso demográfico ou polo noso potencial económico, senón porque temos unha identidade propia, unha cultura propia, un idioma propio, a nosa historia e a nosa definición como país”. O vicepresidente reiterou que negar todo isto, é tirar pedras contra o propio tellado, “non sei a que vén isto de tirar pedras contra a nosa identidade e tratar a identidade coma un virus”, concluíu Anxo Quintana."Xornal.com Moi boa forma de chegar á xente, de facerse entender... chapeau Quin!!
Cousa freak eh!!, o video iste tiña que participar no concurso de Aduaneiros, a foto tamén pertence á mesma discoteca. Sacaralle a zapatilla Maribel ao Tonecho cando chegue a casa?
Cinco semifinalistas galegos no Proxecto Demo 2006, xa na rúa os primeiros discos de Igloo, Meu e Fanny+Alexander(a metade do álbum de balde). Tamén agardo o primeiro traballo duns coñecidos meus, CatPeople, vigueses pero vivindo en Barna. Eiquí unha entrevista, acó o tema "Everyone Can Tell You" incluído no recopilatorio "Singles inéditos" de Rhonda Records. "Fai un pop escuro pero elegante, nada de punk porco, todo o contrario, buscan sempre unha melodía harmónica exquisita, moi similar a Interpol, aínda que os seus referentes haia que buscalos principalmente no post punk británico ochentero, falo de grupos como The Chameleons, The Sound, Joy Division ou Josef K. Con apenas dous CDs promocionais, CatPeople conseguíu ser invitado a iPOP, o novo programa de TVE, polo propio Xesús Ordovás, incluír un tema seu no recompilatorio "Singles Inéditos" de Rhonda Records-Houston Party onde presentaban aos futuros grupos revelación, Mondosonoro elixiu a súa demo como a 2ª mellor do ano, o cal implicou a invitación para tocar na Festa Demoscópica de Mondosonoro o día 10 de Febreiro na Sala Sidecar de Barcelona, e nalgúns programas de Radio 3, como "Musica é 3" están picando case a diario algún dos seus temas, promocionando ao grupo como un dos máis inmediatos valores estatais a ter moi en conta. Ao fichar polo selo indendiente barcelonés Pupilo Records acaban de gravar o seu primeiro elepé nos estudos Blind Records. Será masterizado en Nova Iork nos estudos de Scott Hull (Garbage, Ani de Franco etc etc) e sairá á venda en maio 2006." (Isto último atopeino nun foro, a ver se o podo confirmar)
No folk, xa leva dende Decembro o "Onde nace o vento" de Pepe Vaamonde Grupo, a piques de saír o novo disco de Treixadura, alguén os grabou en Alalá ou Luar? teñen un temazo que é todo un pulo a música tradicional. Na arañeira, a web da Banda de Poi e e-music, "un programa de radio semanal emitido na CuacFM, e-music trata de amosar dun xeito persoal a música electrónica e o mundo contemporáneo". Anterior:Últimos achádegos na música galega
A realidade "Um outro membro do público perguntou a Tourinho sobre a possibilidade da naçom Galega se integrar na CPLP num futuro próximo, momento em que o presidente e líder do PSdG-PSOE fez um teimoso apelo à espanholidade da Galiza e a pertença desta «por direito próprio» ao universo hispanófono, remetindo-se, finalmente, ao vigor da «Lei de Normalización Linguística» aprovada, segundo ele, «por consenso» no parlamento da Galiza. " Peres Tourinho utiliza o castelhano numa intervençom pública no Porto
O remedio? ...“Do mesmo modo que o galego e o portugués son dúas variantes do mesmo idioma, malia que algúns teimen en negalo en contra de toda evidencia científica, o valencià é unha variante común do idioma común de Catalunya, as Illes Balears e País Valenciá”, subliñou o senador do BNG. Neste sentido, Francisco Jorquera considerou curioso que “aquelas forzas políticas menos comprometidas coas linguas nacionais distintas do castelán, ao mesmo tempo que son ciumentas gardiás da unidade do castelán, malia as súas múltiples variantes, pretendan exarcerbar as diferencias entre as outras linguas, buscando, a través da súa fragmentación, favorecer a súa dialectalización e asimilación polo castelán”...http://www.bng-galiza.org/parlamentodoestado
Reportagem sobre a Petição da Associação de Amizade Galiza-Portugal e o Movimento Defesa da Língua ao Parlamento Europeu para que se abstenha de promover a segregação linguística das minorias nacionais e seja reafirmada a unidade da língua portuguesa. Rádio Televisão Portuguesa (RTP e RPT Internacional), Jornal da Tarde.
Entrevista a Carlos Figueiras, Porta-Voz do Movimento Defesa da Língua (MDL). TVG
Fai uns días comentaba Acedre o do queixo galego en conserva, iste e outros novos productos presentáronse nunha feira alimentaria en Barcelona. No da imaxe sempre cavilaba cando me daba por almorzar torradas con marmelada e manteiga, unha tarefa pouco indicada para quen madruga ou ten presa, polo menos para min. Eu pensara nun bote que botara xa a mistura da manteiga e a marmelada, o que non sei é se estas novas aplicacións de envases xa inventados tamén son patentadas.
Exemplo I: A miña alcaldesa "-¿É unha viguesa militante? ¿Sublévana certos investimentos noutras cidades galegas? *Son unha viguesa moi galega. Moi galega. Creo que os localismos non son bos para ninguén, pero o que teño claro é que defendo con unllas e dentes o que lle corresponde a Vigo. E o que non entendo son certos macroinvestimentos pantagruélicos que non sei a que van conducir. ¿Poño un exemplo?: o porto exterior da Coruña. Non o entendo, cando se vai facer outro porto exterior ao lado, en Ferrol, e cando no porto de Vigo estamos aínda pendentes de financiamento. -Para compensar, cite tamén algún "macroinvestimento pantagruélico" do PP. *O porto exterior da Coruña tamén foi apoiado polo PP. Aí están todos, PP e PSOE. E eu non o entenderei na miña vida. Vanse facer edificios en terreos portuarios sen custo para a cidade da Coruña. E en Vigo, non obstante, para facer un auditorio tivemos que pagar o terreo. ¡Non mo explico!" Corina Porro: “No PP saben que non caso con ninguén” Aínda que no PP saiban precisamente, que está onde está por casarse sempre con Alguén Exemplo II: Pepe Araújo, concelleiro de Cultura, Festas e Festival de Cine de Ourense "É unha persoa moi querida nunha cidade «infinitamente tolerante e respectuosa», como el di; a voda co seu mozo vai ser sonada, e non só polos máis de 300 convidados" Nunca levei ningún tirón de orellas do PP, todo o contrario Exemplo III: Manuel Fraga, o 4-03-06 na Convención do PP "Cuando algunas personas, sin duda llenas de buena voluntad con un gobierno dimitido, intentaron dar un golpe militar de estado..."O video n'A Regueifa
O dous de marzo CIG e CAF organizaron un xantar para conmemorar o 150 aniversario do “Banquete de Conxo”. O xantar democrático de Conxo(.pdf) O brillante brinde dun Pondal de 21 anos e unha crónica do acto 42 anos despois, na web da VA-CA. Ogallá un día vexamos un pobo galego forte e unido sen complexos, empresarios e traballadores, ciencia e cultura, urbe e rural... cun mesmo obxetivo, a mellor Galiza posíbel.
O BNG logra o acordo do Pleno do Congreso para que o Goberno rehabilite a figura de Alexandre Bóveda"...Rodríguez subliñou que para Alexandre Bóveda a República era sinónimo de autogoberno e un tempo histórico para Galiza. Lembrou que foi redactor do Estatuto de Galiza, "moitas veces en compañía de Raxoi o avó do presidente do PP, Rajoy". Bóveda logrou que o 80% dos concellos galegos aprobaran o Estatuto, e logo conseguiu que se pasase a plebiscito o 28 de Xuño..."
Ao Techno? 
Ironicamente, Bono desexou que se recuperasen a aquelas persoas “doentes ou que están en rehabilitación” que non se puxeron en pé mentres soaba o himno. “O mínimo é escoitalo con respecto”, engadiu o ministro.Reprimenda de Bono aos asistentes en Ferrol ao acto de entrega da fragata Méndez Núñez que non se levantaron cando soaba o himno
"...O vicepresidente referiuse tamén ás declaracións de Corina Porro, nas que se mostraba disposta a liderar un Goberno de «progreso» en Vigo xunto co BNG. Quintana explicou que el sempre recelara do término «Goberno de progreso», xa que ao seu entender «non serve para definir nada», e agora que o di Corina, «ratifícome con máis rotundidade do meu convencemento»" La Coz 
Tamén agardo o primeiro traballo duns coñecidos meus, CatPeople, vigueses pero vivindo en Barna. Eiquí unha entrevista, acó o tema "Everyone Can Tell You" incluído no recopilatorio "Singles inéditos" de Rhonda Records.
Fai uns días comentaba Acedre o do queixo galego en conserva, iste e outros novos productos presentáronse nunha feira alimentaria en Barcelona. No da imaxe sempre cavilaba cando me daba por almorzar torradas con marmelada e manteiga, unha tarefa pouco indicada para quen madruga ou ten presa, polo menos para min. Eu pensara nun bote que botara xa a mistura da manteiga e a marmelada, o que non sei é se estas novas aplicacións de envases xa inventados tamén son patentadas.
O dous de marzo CIG e CAF organizaron un xantar para conmemorar o 150 aniversario do “Banquete de Conxo”. O xantar democrático de Conxo(.pdf)
O BNG logra o acordo do Pleno do Congreso para que o Goberno rehabilite a figura de Alexandre Bóveda "...Rodríguez subliñou que para Alexandre Bóveda a República era sinónimo de autogoberno e un tempo histórico para Galiza. Lembrou que foi redactor do Estatuto de Galiza, "moitas veces en compañía de Raxoi o avó do presidente do PP, Rajoy". Bóveda logrou que o 80% dos concellos galegos aprobaran o Estatuto, e logo conseguiu que se pasase a plebiscito o 28 de Xuño..."
