Unha imaxe vale máis ca mil palabras?

Educación convoca o plurilingüismo en pleno verán. A Nosa Terra

Contra o decreto da diglosia, imposto por Galicia Bilingüe. Preguntas para Anxo Lorenzo

Facendo miñas as verbas do actual secretario de Política Lingüística o 10 de Maio de 2008:

"é o Partido Popular quen está a separarse do vieiro lingüístico consensuado nos anos 80 por motivos de estratexia partidaria (desgastar o goberno)", "nin hai modificación do obxectivo lingüístico final (competencia nas dúas linguas oficiais), nin se está implantando a inmersión lingüística, nin se obriga a ninguén a usar unha lingua ou outra."
"A coartada ideolóxica para non facer máis chegoulles aos gobernos populares da man do bilingüismo harmónico (BH), construto ideolóxico de feble baseamento epistemolóxico que foi deseñado ad hoc para xustificar aquela política lingüística rácana. Agora ben, o BH é un construto partidista promovido exclusivamente polos gobernos fraguistas, sen que en ningún caso formase parte do “consenso lingüístico” inicial."

E que aí están as hemerotecas, fotos, vídeos... para probar que iso é certo.

Manténdose tamén as críticas do Consello da Cultura Galega(.pdf), que están ben resumidas no "Non se pode tratar igual aos desiguais" do seu Presidente, Ramón Villares.

Paso a colar algúns parágrafos do actual borrador prácticamente decretado(.pdf), coas dúbidas que lle solicitei poder preguntar a Anxo Lorenzo no seu Facebook.

Páxina 2, 4º parágrafo

"O Decreto 124/2007, de 28 de xuño de 2007, orientouse nomeadamente cara á obtención dunha competencia axeitada en lingua galega no ensino obrigatorio, sen o establecemento dun número ou porcentaxe mínima de materias impartidas en lingua castelá, o cal podería chegar a cambiar o modelo de conxunción de linguas desenvolvido en Galicia desde o inicio da autonomía e aceptado por todos os galegos e galegas."

Cal é "o modelo de conxunción de linguas desenvolvido en Galicia desde o inicio da autonomía", "desenvolvido" realmente e constatado con datos obxectivos? , e os seus resultados? . Téñense en conta para a elaboración deste decreto?
Quen afirma que foi  "aceptado por todos os galegos e galegas"?

Non sobra este comentario puramente político e parcial?

Páxina 5, Artigo 5.-Educación infantil.
"2. A lingua predominante do alumnado determinarase de acordo co resultado dunha consulta que se efectuará a cada familia antes do comezo do curso escolar acerca da lingua materna do seu fillo ou filla."

E os alumnos que teñen máis dunha lingua materna?
E os pais que prefiran que os seus fillos estuden no idioma que non lle falan? Teñen que mentir?
E os que non teñan por lingua materna o galego ou o castelán?

Páxina 5, Artigo 6.-Educación primaria.
"3. Con carácter xeral, impartirase en galego a materia de coñecemento do medio natural, social e cultural, e en castelán a materia de matemáticas.
4. Sen prexuízo do establecido no punto anterior, as familias do alumnado de cada curso de educación primaria serán consultadas, cada catro cursos escolares, sobre a dita asignación lingüística.
5. A asignación lingüística será modificada polo Consello Escolar do centro educativo cando, como resultado da consulta sinalada no punto anterior, así o determine a metade máis unha das familias do alumnado matriculado na etapa."

Páxina 6, Artigo 7.-Educación secundaria obrigatoria.
"3. Con carácter xeral, impartiranse en galego as materias de ciencias sociais, xeografía e historia, ciencias da natureza e bioloxía e xeoloxía, e en castelán as materias de matemáticas, tecnoloxías e física e química.
4. Sen prexuízo do establecido no punto anterior, as familias do alumnado de cada curso de educación secundaria obrigatoria serán consultadas, cada catro cursos escolares, sobre a dita asignación lingüística."

Por que tanto en primaria coma en secundaria se impartirá por defecto matemáticas en castelán?
Por que se escollen precisamente en secundaria para o castelán:  matemáticas, tecnoloxías e física e química, as materias cuxo léxico máis técnico se descoñecen máis na sociedade galega, na lingua minorizada, na que foi excluída secularmente do ensino, da universidade? Para afondar na diglosia?
É certo que este reparto inicial supón menos materias para o galego na ESO?

Déronlle a escoller as materias a impartir en castelán a Galicia Bilingüe, asociación única para a que o decreto agora "ya pinta bastante mejor"?
E os colexios onde haxa profesores que por este reparto, aos que lle toque nun idioma o fixesen mellor ou fose a súa preferencia noutro?
Por que este reparto inicial non o fai o propio centro, mantendo a obrigatoriedade da metade das troncais para cada lingua cooficial e senón houbese un acordo entre os docentes, que se sortease esa ou esas materias da discordia?

Ou por que non podían ser bloques máis mixtos, tipo Matemáticas en galego, Física e Química en castelán (ou viceversa), por exemplo?
Até dentro de catro anos os pais non poderán escoller matemáticas, tecnoloxías e física e química en galego?
Téñense que manter eses bloques de materias, darse tódalas dun grupo en castelán ou galego?

Páxinas 6, 7. Artigo 9.-Formación profesional específica, ensinanzas artísticas e deportivas.
"2. En todos os módulos garantirase que o alumnado coñeza o vocabulario específico nas linguas oficiais."

Por que o coñecemento do vocabulario específico nas linguas oficiais non se garante tamén en primaria, secundaria e bacharelato?

Páxina 11, Artigo 18.-Exención da cualificación das probas de lingua galega.

Por que non hai tamén exención de até dous anos na cualificación das probas de lingua castelá? Non chegan alumnos de países nos que non se imparte esta lingua? Ou de onde tampouco se imparta inglés?

Páxinas 12, 13. Artigo 21.-Materias non lingüísticas impartidas en lingua(s) estranxeira(s).

"4. En calquera dos supostos sinalados nos dous parágrafos anteriores, e con carácter previo á súa aprobación, o centro deberá cursar a oportuna solicitude á Administración educativa, para os efectos do outorgamento, no seu caso, da correspondente autorización."

Podería prohibir a Administración impartir unha materia en lingua estranxeira aínda que se cumprise tódolos requirimentos deste decreto?

Páxina 13. Segunda.-Materias impartidas en linguas estranxeiras.

"A impartición de materias non lingüísticas en lingua(s) estranxeira(s) regularase mediante orde aprobada pola consellería competente en materia de educación."

Que pretende esta regulación da "impartición de materias non lingüísticas en lingua(s) estranxeira(s)" dunha orde aínda non aprobada?

Páxinas 13, 14. Terceira.-Avaliación da capacitación nas linguas oficiais.

"A consellería competente en materia de educación establecerá un procedemento de avaliación do nivel de competencia nas dúas linguas oficiais en Educación Primaria e en Educación Secundaria Obrigatoria, como garantía da consecución progresiva da competencia semellante en ambas as linguas."

Cando se "establecerá un procedemento de avaliación do nivel de competencia nas dúas linguas

oficiais"? Como vai ser?

Páxina 14. Primeira. Cambio de denominación

"Os “equipos de normalización e dinamización lingüística” dos centros educativos, creados ao abeiro do artigo 18º do Decreto 124/2007, pasan a denominarse “equipos de dinamización da lingua galega”."

Por que hai este cambio de “equipos de normalización e dinamización lingüística” por “equipos de dinamización da lingua galega”. Impúxose a tese de Galicia Bilingüe de que o "normal" é a substitución lingüística do idioma galego polo castelán?, a imposición estatal do castelán?, a inercia que deixou na realidade sociolingüística galega actual tempos pasados como a ditadura? 

Debuxo de Luis Davila, recollida no seu blogue "O Bichero"

O consenso da rúa en que nº se consensa?

“o consenso social existe porque a cordialidade lingüística nas rúas, nos centros de traballo, nas cafeterías, existe. E polo tanto, a cordialidade social, que é o que importa, existe dende fai tempo. A cuestión é si os políticos nos queremos sumar ao consenso da rúa, ou os políticos non se queren sumar ao consenso da rúa”
Alberto Núñez Feijóo, Xunta.es
(Foto de Xornal de Galicia)

Non sexades derrotistas, e máis ante uns cobardes

Feijóo salienta que a Real Academia Galega é “depositaria da memoria” e achega ao presente “a visión de Galicia como un país que compite unido para superar os problemas e celebrar os logros”. Xunta.es

VS

El presidente de la RAG abre un frente con la Xunta al acusarla de crispar. La Voz de Galicia

VS

Barreiro ataca la política lingüística de la Xunta en presencia de Feijóo. El País

La RAG advierte a Feijóo sobre la «crispación» en materia lingüística. ABC


Barreiro reprende a Feijóo por sembrar la crispación lingüística. Faro de Vigo


A Real Academia acusa a Feijóo de sementar a "discordia" lingüística. Xornal de Galicia


'Non foi a RAG, señor presidente, o que removeu as augas'. A Nosa Terra

Feijoo-RAG: Historia dun desencontro. Vieiros

"Los que viven del pesebre"

Só 5 de cada cen páxinas da prensa están en Galego, Galicia-Hoxe

"Resulta inquietante o papel desempeñado dentro do país por La Voz de Galicia. Foi o xornal que máis diñeiro público recibiu do Goberno galego e da RTVG por programas externalizados."
O Blog de Francisco Rodríguez

Anteriores: Ben cobrado!

Polo noso idioma

Quen me axuda a recompilar os temas que cantan á dignificación e normalización do noso idioma?
Comezo eu con algúns, se alguén se anima que vaia aos comentarios.

Nome do tema. Artista, Álbum(ano)

Galicia. Carunchos, En galego(2009)
Non importa. Aíd, Jugando(2009)
Máxicamente vello. Roi Casal, Lendas Douradas(2008)
Coa Lingua de Fora. Quempallou, Polo Aire!!(2007)
O castrapeiro. Milladoiro, Unha estrela por guía(2006)
Herdeiros da ditadura. Dios ke te crew, Xénese(2006)
Falemos galego. Xil Ríos, Que non decaia(1992)
Cantiga de berce. Fuxan os ventos, Chegaremos(1980)
Galego na escola. Saraibas, Unha terra, un pobo, unha fala(1980)
O alleado. María Manoela, (Single, 1978)

----------------------------------------------------------------------------
Deitado frente o mar. Dios ke te crew

E aproveito para publicitar o Spotify, ogallá se puidera facer nel unha lista de temas o máis completa posíbel.

Moitas grazas a: Regueifeiro, Chimpín, Acuática, Alberte, Miriño

Lingua minoritaria?

Fonte: Pulsómetro: Encuesta en Galicia


Fonte: CIS, Avance de resultados del estudio 2783 Pre-electoral de Galicia. Elecciones autonómicas, 2009.

Actualizado o 14-II-2009, a enquisa por idades para ver a evolución da des-galeguización e probar que idioma existe por imposición

Ben cobrado!

Pórtico Audiovisuales é a produtora de "Ben falado!", microespazo adicado ao idioma galego na TVG. A súa sensibilidade ao noso idioma non chega nen para ter unha versión da web en galego.
É o seu primeiro traballo en galego para a televisión pública galega? Non, xa leva un feixe de programas, series e publicidade institucional cobrada en galego.

Ollemos outra, a Productora Faro, a web está en castelán e en inglés, a información dos programas da TVG está en galego(puido ser que lle amargara traducilo...).


Os xornais galegos, en castelán todos menos un(do Grupo Correo Gallego...), non satisfeitos co que cobran en publicidade institucional, subvencións, tamén teñen as súas produtoras audiovisuais e gábanse acotío dos seus éxitos televisivos. Parece que a audiencia galega si fai rendíbel o galego, si consume produtos en galego.

«Padre Casares» cierra la tercera temporada arrasando

(Aproximadamente 163 resultados que conteñen "padre casares" atopados no dominio lavozdegalicia.es)

"en algunas ciudades hay ya dos generaciones que han crecido pensando y queriendo en castellano. Y ahora, en una rara pirueta, resulta que los nietos castellanohablantes de aquellos abuelos a los que se les reprimió el gallego son obligados a estudiar el grueso de las asignaturas en un idioma que no es el de su vida real."

"¿La solución? Ese pequeño laboratorio de bienestar que se llama Navarra lo ha resuelto así: quienes hablan vasco, estudian en ese idioma con una buena asignatura de castellano; y los que hablan español, estudian en esa lengua con una buena asignatura de vasco."

Luis Ventoso, director adjunto de La Voz de Galicia

Aparte da comparación noxenta da persecución do galego durante a ditadura franquista co decreto educativo dun goberno democrático, que establece unhas materias e un mínimo do 50% no idioma galego, en cumprimento dunha lei de normalización lingüística aprobada por unanimidade do parlamento galego na anterior lexislatura.
Este Sr quere importar o modelo de Nafarroa para Galiza e separar aos alumnos por aulas, ten a mesma realidade lingüística?, é aínda maioritario o euskera? fálase euskera en toda Nafarroa?

Información que publicou o seu xornal, non o le? E pode descargar ese MAPA sociolingüístico de Galicia 2004. Vol. I: Lingua inicial e competencia lingüística en Galicia. A Coruña : RAG, 2007.
Tamén a Situación do ensino da Lingua e da Literatura Galega na Educación Secundaria Obrigatoria. Consello da Cultura Galega. 2008
Na web da Xunta puido ver directamente os datos do 2001.

Esta é a web de Voz Audiovisual da Corporación Voz de Galicia, non ten versión en galego.


'Libro de familia' repite como el programa más visto en toda Galicia

(Aproximadamente 3.430 resultados que conteñen "libro de familia" atopados no dominio elcorreogallego.es)

"Que sólo el veintipico por ciento de los alumnos que llegan a la ESO tengan el gallego como lengua habitual no es un dato facilitado por el Club Financiero de Vigo, Galicia Bilingüe, o cualquier otro ente o persona sospechosos. El porcentaje no forma parte de un complot destinado a minar la normalización, como pudiera creerse, sino que procede de fuentes fiables. "

"De acuerdo con el dato, el ochenta por ciento de los chavales que ingresan en la ESO estarían siendo en parte escolarizados en un idioma que no es el suyo. Pueden escandalizarse lo que quieran los fariseos del lugar, pero la realidad es que para esos alumnos el gallego viene a ser una lengua adoptiva o postiza. De acuerdo, esa situación se debe a antiguas opresiones, a penosas persecuciones, es culpa de Isabel y Fernando y producto del franquismo. ¿Y qué?"

Carlos Luis Rodríguez, Redactor-jefe de El Correo Gallego

"veintipico" máis "ochenta" dan cento e pico Sr Carlos Luis, esas matemáticas en castelán non lle valeron moito. Chámalle "lengua adoptiva o postiza" ao idioma aínda maioritario, ao idioma da maioría dos pais e avós deses nenos, ao idioma no que a estes lles gustaba máis Son Goku, Shin Chan. Ao idioma do que cobra o Grupo Correo Gallego, e con outra produtora, Telecable Compostela. A quen chamaba vostede fariseo?


Guionistas, directores, actores, técnicos... que teñades máis sensibilidade co noso idioma que para traballar con el, non o fagades con estas produtoras. A maioría dos galego falantes non cobramos, nen o pretendemos, pero que non nos rouben co noso idioma.

Islandia e os USA

Non é unha comparativa, aproveito este post, para gardar estas reportaxes de Islandia e un artigo sobre a educación nos USA e Obama.

Encantaríame unha Galiza á islandesa na educación, na sanidade, na lingua... e até a súa idea de familia. Viña sendo a nº1 no Índice de Desenvolvemento Humano pola ONU.
A ver como sae da crise e das débedas dos seus bancos.
A boa vida. El País
O máis parecido a outro planeta. La Voz de Galicia
O modelo islandés na campaña da Universidade de Vigo, Europa é plurilingüe, Quen sabe galego sabe máis
O primeiro en caer

Obama e a educación nos Estados Unidos. Eduardo González Viaña, Faro de Vigo
Os límites de Obama. Javier Ortiz, Público

Estase a facer algo ao respecto?

Google podería estar a crear unha fenda lingüística ao marxinar ás webs en galego nos seus resultados de busca

Google contra a Galicia Bilingüe. (Artigo do Socio Manuel L. Pan. ABERTAL)

Non somos España

"Somos España", velaí o lema do PP xurdido das "Nuevas Generaciones" para o 12 de Outubro. E que mellor proba de que Galiza non é España que o cartaz pretendido en galego.
A nosa casa, a nosa Nación é Galiza e a nosa xente é o pobo galego, que non ten nada que festexar o 12 de Outubro.

Con outro cartaz xustifican os FrFr(freaks franquistas) noutra recente e descoñecida asociación, a falta que fai o mínimo do 50% das materias en galego. Os galegos entendémonos pailáns!!

Seica, o COE e a SGAE inician o camiño para pór letra ao himno nacional. Pois eu xa atopei unha que me gosta